係悠活起身，佢係包早餐既，基本自助早餐，款項都好多下，味道亦可以，不過無影相。
係行去餐廳的途中，會有一個好大的魚池，阿B昨日已經講緊要餵魚，所以今日就同佢去餵下魚，順手做下生態教育。原來悠活安排左一個大哥哥，係到俾大拼圖小朋友玩，拼得到仲有魚糧送，唔錯。佢呢到的鯉魚都好靚，不過好明顯係俾人餵慣既，一有人行埋去就堆晒過來。
非常貪吃的魚~
食完早餐，又係時候告別呢一度。其實成個悠活佢有好幾個部份，兒童旅館係一part，仲有渡假村同單車旅館，有興趣的朋友可以上佢個網睇下。而如果家長希望有一個地方，可以玩水、享受墾丁、睇日落的話，係呢度住一兩日係唔錯的。最少小朋友唔會太悶，亦有一定設施與空間。不過就最好自駕，因為旅館的地點都幾唔就腳，距離墾丁大街一段距離，唔駕車的話，旅程就會受限制。當然，你住落唔走，一搬就call車去大街都得…
開車。美中不足的係，第二日的旅程整個早上都在下雨，本來計劃去睇墾丁的景點都唔知去唔去好。而且經過第一日的六點幾起身、又無午睡的情況下，阿B繼續好眼訓。不過既然租左車，當然都去下啦。
呢個係帆船石…
最後影下公路就去下一站，亦係今次旅程的其中一個特別景點，「夜宿海生館」。
沒有留言:
張貼留言