親子好去處—獅子會自然教育中心

每逢假日要諗下同小朋友去邊都幾頭痛,我地希望記低我地去過的地方,除左分享我地既快樂之外,亦希望可以俾到一個參考大家,一齊享受親子既假日.
獅子會自然教育中心位處西貢,交通方便.中心內有不同題材的展館同埋自然生態可以欣賞,絕對適合同埋小朋友共渡假日,仲可以俾小朋友一個認識自然既好機會.

獅子會自然教育中心正門

中心內擁有不同種類的花草樹木，如果你與你的孩子喜歡大自然，而唔係星期日要學八種興趣班，溫八小時的話，呢度絕對係一個親子活動、教育孩子的好地方。

中心內有兩個好好的地方，一個係果園，另一個係農場，當然都係小型啦，不迥你可以俾你的小朋友睇下佢每日食的食物係點來的，解釋係種植、農耕的過程，學習一下珍惜食物。

香蕉

桔

你認唔認得這是甚麼？

農作物

西蘭花開花…

不過要留意一點，所有農作物都係季節性的，去到唔代表睇到全部，不過以我多次的經驗，係總有一d睇到的。而且保留一點神秘感，咁先可以吸引大家去多幾次。

天氣好的話，仲可以自備午餐，係中心內體驗一下野餐。而中心內亦有一茶座，一家大細可以係到午餐，亦可以到就近的西貢。

而中心內亦設有不同展館，有不同主題，大家可以按興趣帶小朋友參觀。

昆蟲館

地質公園

貝類館

中草藥園

喜歡遠足的亦可以行下簡單的自然教育徑

每逢假日，這兒亦有有機農場，出售有機農作物，可以順手等大家買埋夜晚的餸菜回家。

除左適合小朋友，其實成年人都可以係到搵節目，中心內的花草都十分靚，適合各種喜歡攝影的朋友係呢度取景，影下花草，我地去的時候更遇到一幾個人係到影鳥。
各位星期六日諗唔到帶小朋支去邊，不妨同你的孩子同來，一齊同陽光玩遊戲。

交通：
任何一種由九龍到西貢的公共交通公具都會經過自然教育中心。而你亦可以選擇自駕，那兒有不少免費車位，不過就先到先得，後到有排等。

如何前往 可乘搭下列公共交通工具，在北港巴士站下車，然後步行前往中心。 (i) 92號巴士來往港鐵鑽石山站－西貢； (ii) 96R號巴士來往港鐵鑽石山站－黃石碼頭(只在星期日及假日行走)； (iii) 792M號巴士來往港鐵將軍澳站－西貢； (iv) 698R號巴士來往小西灣(藍灣半島)－黃石碼頭(只在星期日及假日行走)； (v) 1號專線小巴來往德褔花園－西貢; (vi) 1A號專線小巴來往港鐵彩虹站－西貢; (vii) 12號專線小巴來往寶琳－西貢 (viii) 101M號專線小巴來往港鐵坑口站－西貢 開放時間 戶外特色展區: 上午九時三十分至下午五時 展覽館: 上午九時三十分至下午四時三十分 停車場: 上午九時三十分至下午四時三十分 逢星期二、農曆新年年初一及初二休館 查詢電話： 2792 2234

網頁：

http://www.lnec.gov.hk/tc/about.php