我們的快樂時光: 小惡魔玩轉高雄台中 (高雄篇3) 壽山動物園、牛老二牛肉麵、吳寶春麥方店

來到留在高雄的最後一日，天氣仍然炎熱，不過我地都決定繼續行程，探訪高雄市的壽山動物園。台灣巿兩個比較大的動物園，一個係台北的木柵動物園，那個比較大，展出的動物亦較多，如果你係第一次去動物園，我相信你必定會滿意。而高雄壽山呢？就比較細，設施亦相對無咁多同好。不過既然咁多小朋友，又係未去過，所以都值得到訪一下。

我地入住位於鹽埕區的酒店，同動物園相隔唔遠，交通都算方便。去壽山動物園主要有兩個方法，一個就係的士，正如我之前講，高雄坐的士亦算平。第二個係坐捷運去到鹽埕埔站4號出口，至五福四路華南銀行前搭乘56號壽山動物園專線公車。不過平日就要一小時一班，假日先會15-20分鐘一班。再唔係坐219號公車都可以。帶住咁多小朋友，我地當然的士啦！係酒店check out，留低大件行李，出發。
壽山動物園來園交通

到達動物園，當然係買票啦。台灣大部份設施六歲以下都免費，所以剩係買大人就可以。而票價呢？只係新台幣40元，真係平到你唔信。不過記住，台灣大部份的設施都係星期一公休的，出發前請留意一下啦。
壽山動物園參觀票價

不過天氣仍然反覆，一時猛烈陽光，一時大雨，係蒸籠效應下，都真係幾辛苦。可能係平日的關係，遊園的人較少，所以雖然天氣唔好，不過我地都可以慢慢行，避下雨，行下。而因為落雨既關係，我地困左係教育中心都一段時間，唯一開心既係那兒係全園少數有冷氣的地方…

雖說壽山比不上木柵，不過都好大下，要行完整個園區都要半天。

園內最好睇係有一個地方好多孔雀

小朋友總愛整古做怪

整體而言，如果你去過木柵，又或者返大陸去過長隆，咁去山唔去亦唔會有乜野損失，始於台灣咁大，唔係每個地方都要一遊既。

大約正午過後，我地就去左探訪第一晚摸門釘的牛老二牛肉麵。牛老二牛肉麵係三多區，坐捷運去到三多商圈站，跟住google map大約行十至十五分鐘可以去到。我地當然係繼續的士，帶住小朋友，你又想好似年青時咁遊台灣，的士係你的唯一選項。因為他們真係無你咁好腳力。

牛老二牛肉麵
地址： 802台灣高雄市苓雅區興中二路83號

店家賣的是紅燒牛肉麵，不過湯頭較為清，不會像一般紅燒牛肉的濃味湯頭，對喜歡濃味湯頭的我來說，反而較像清牛肉麵。而牛肉軟身，值得一試。而佢既涼菜亦唔錯，建議大家試下皮蛋豆腐。而店家的酸菜十分美味，喜歡吃辣的朋友必定吃上癮。

吃飽了，亦是我們離開高雄的時候，到台中匯合其他同學仔。最後我地兵分兩路，小朋友隊伍先回酒店拿行李，而我同另一位媽媽，就一訪高雄出名的吳寶春麥方店。店的位置唔易搵，亦唔近捷運站，強烈建議坐的士去。

吳寶春麥方店有甚麼出名，其實就係一間麵包店。我估對香港人來說，好難幻想一個人造麵包可以出名，更加可以有一間自己名命的店，佢利害的係，更有一套講述他生平的電影。所以話我喜歡台灣，係因為佢可以讓你專門在一項手藝上，也可以得到社會地位的地方。

吳寶春於2008年參加法國巴黎的「樂斯福盃麵包大賽」(Coupe Louise Lesaffre)獲得歐式麵包優勝。而他在2010年代表台灣，參加法國巴黎首屆「世界盃麵包大師賽」(LES MASTERS DE LA BOULANGERIE)，拿下歐式麵包組世界冠軍。有興趣的朋友可以到他店的網頁上一看。有機會的話更可以買一些來吃，我保證與你在香港吃的麵包有很大的距離。

吳寶春麥方店

在我吃過的，我暫時覺得這個芒果乳酪是最好味的。當然其他得獎麵包也很特別啦！

不過你要去吳寶春麥方店，雖然在三多商圈附近，不過行去都要十五至二十分鐘，坐的士啦。不過最近台北開了新店，如你去開台北也可以一試。