今日的目的地係位於臺北市圓山區的「臺北市立兒童育樂中心」，相信這一個景點對於香港人來說比較陌生，因為如果你唔係有小朋友的話你係唔會來的。相信你淨係睇個名會以為這兒是一間中心，類似兒童遊戲室之類。但係你咁諗就錯啦！其實這兒是一個佷大的綜合兒童遊樂場，內類有適會兒童玩的機動遊戲、康樂設施、一些中國民間傳統的手藝、一間像科學館的展館，絕對係可以與你的孩子在這兒玩足一日的。而且位置類近士林夜市，坐一個捷運站就到了，玩完玩夠之後，你仲可以一家大細去行下夜市，大人細路都可以玩足一日。
一早出發，小朋友好想與酒店傍咖啡店的公仔影相。
「臺北市立兒童育樂中心」交通十分方便，只要乘坐捷運到達圓山站，步行五分鐘就可以到達了。
圖片取自「臺北市立兒童育樂中心」網頁。
而且中心外面亦會經過圓山公園花海地景區，有機會睇到一片花海，以及不同種類的花卉，我地係花園都影左好耐相先入去。而且這兒隔近臺北松山機場，松山機場係國內線的機場，所以係會見到一D比平時細架，不同種類的飛機好近好低的飛過，我地仲見到螺旋槳飛機係我地頭頂飛過！我肯定係香港出世的小朋友絕小機會可以見到。
經過門口的一片花海，就見到好似好舊的門口了。的確係好舊的，基本上樂園係上世紀九十年代初落成的，再之前就係舊的臺北市動物園舊址，所以香港家長們你地去的話你會覺得自己返左去當年荔園一樣。
門口購買入場劵，就可以入去玩啦！買左入場劵你就可以遊覽整個中心入的設施，不過有部份設施，例如明日世界、遊樂世界就要個別按活動再收費。不過我地去的時候係2012年，據我了解，由2014年3月起，入場已經變成免費，其他活動則繼續按不同而收費。所以買入場劵的情況已經唔會再出現。
昨日世界區為一個中國傳統建築為主題的公園，內有不同的舊時代玩意展出，亦有售賣一些傳統的民間工藝。當中有一個平台更可以飽覽附近的景色，當作與小朋友一同認識下舊時的玩意，其實係一個不錯的選擇。
玩左好耐，親自嘗試由地底打水上來的水泵。
而明日世界我地就無入場參觀，因為感覺有點類似香港的香科學館，而且同行的小朋友都年紀較為細，所以經過門口就算。不過如果你的孩子年紀大一點，不妨入場睇下，而且佢有一D與科學有關的電影播放，當嘆下冷氣休息下都幾好。
最後就到戲肉，遊樂世界。遊樂世界就真係有點似香港荔園的樂園，有一些合適小朋友玩的機動遊戲。而每一項有不同的收費，大家睇啱你想玩乜，買票排隊就可以。
二十元台幣一張，各活動不同收費，按收費數票俾佢可以。當中有小朋友至愛的THOMAS小火車…
行路軌的，有音樂，坐得好開心架！
小朋友第一次嘗試駕駛的樂趣，不過樓上架車太快了，最後要坐返慢慢行的小馬…
摩天輪
不得不提這一條滑梯！勁好玩！香港唔會搵到一D咁高又快的滑梯。不過當然建議太細的小朋友要有家長陪同一齊玩啦！
最後仲買左好大條的綿花糖！開心晒。
育樂中心的地圖
由於我無乜影相，當年去的時候其實無打算寫咁多字，所以唔多相片。但係作為一個遊玩樂園，我認為真係適合一家大細一齊去玩下，尤其如果你有小朋友與你一齊去旅行的話。試諗下，你去行西門町、大商場，其實小朋友係好悶的，去公園跑下，玩下才是他們的需要，如果要行商場既，不如留係香港？當然，我咁諗都係以小朋友為出發點啦，如果你係全大人去旅行既，商場當然係必到既景點啦。
通常我地去旅行都會安排日頭去一D小朋友合適的地方，夜晚先去大人睇野的地方。呢一晚我地去左西門町，睇下街頭手工，台灣青年人的小創作。
如果有興趣去「臺北市立兒童育樂中心」既朋友要留意啦。因為今年(2014)係中心最後一個暑期的開放，過左今年暑假，中心就會搬去士林區，變身成為新的場館，提供更多不同的機動遊戲俾小朋友同大朋友玩！到時會有過山車、海盜船等。詳細情況留意下佢地網頁啦！而我有幸再去的話會為大家再報導一下的。
育樂中心網頁：
臺北市兒童育樂中心
有關新場館的報導
沒有留言:
張貼留言