肉粒雞蛋飯配日式蕃茄沙律

媽媽成日同我講，她有一個夢想，有一朝起身，係亞仔煮早餐給她吃。而因為這個原因，她又真的經常找一些機會與小朋友一起入廚房，出街時又同佢研究甚麼好味。不過她說她仍然及不上爸爸，因為爸爸可以把小朋友的要求變成真！

今天早上對話，以下是媽媽視角

父：今日午餐想食咩呀？
仔：(思考中)

父：不如整蕃茄飯，有粟米同肉係屋企

仔：唔好，我想下面要白飯，上面一邊係旦，另一邊係肉果D，同埋蕃茄一齊食。

父：則係你想食肉粒雞蛋飯，不過下面係蕃茄飯？

仔：唔係，係蕃茄切、切、切放係個碟到，撈芝麻醬個D。

父：咁好啦！(愉快mode)

媽：將來個仔會不會變成小食神而不是變成廚神呢…

制作時間：
30分鐘

材料：
少肥豬肉攪碎

雞蛋1隻
蕃茄1個洗淨
白飯

調味：

豉油2茶匙

味醂3茶匙
鹽、糖各少量
日式芝麻沙律汁

做法：

蕃茄洗淨，在底部割一個十字，淺淺的，割破皮就可以。再用熱水燙一下，皮就可以很簡單的撕下來，再放入雪櫃準用。

這兒我用了3隻蛋，放入1茶匙豉油，2茶匙味醂味。如果你有日式的鰹魚汁之類湯汁，可代替豉油，因為豉油有機會味道太濃。我這兒用的是日本昆布豉油。

豬肉有1茶匙豉油，1茶匙味醂及少量鹽、糖調味。豬肉的肥瘦隨各人喜好。但我個人就喜歡有少少肥肉的，炒出來會香一點，以及多一點肉汁留下，拌飯一流。

預備完就相當簡單，找一個平底鑊，先炒肉，但要記著一邊炒，一邊攪動，不要讓肉有機會結在一起。如果感覺到鑊太熱的話，可以離火炒一會再回火炒。只要你不停手，肉粒的便會細顆一點。但注意不要炒得過熟，所有肉汁蒸發後，你的飯便沒有汁可拌，這大大的減低了風味。

蛋的調理方法和肉差不多，都是一邊炒，一邊攪動，不要讓蛋有機會結在一起。完成後，把兩樣成品放在飯面就可以。

這時候，把預先放在雪櫃的蕃茄拿出來，切開，澆上日式芝麻沙律汁就成了。

完成。

好唔好食呢？可憐既廚師包好自己的飯盒就離家上班了。唯有回家再問問小食家吧。