201213 墾丁台北跨年七天之旅 Day6 (貓空纜車、信義誠品旗艦店)

好了，201213年去的旅行，到了2014年才完成寫作，真的太慢了。所以我決定把最後兩日一次過完成了，再開始另一個旅行的記錄。(其實最後兩日沒甚麼好寫…)

在台灣的第六日，原定我們今天會帶子朋友去乘坐貓空纜車，下午再到木柵動物園去的，但天公不做美，由一大早就開始下著大雨。但我們也試著出發，希望坐過貓空纜車後，天氣會放晴吧。

其實去貓空與及木柵最好的方法是安排在同一天，因為兩個景點是在同一個車站下車。坐捷運棕線(文山線)去到總站就是動物園站，下車後按指示牌就可以找到這兩個景點。我個人而言認為帶著小朋友的話，木柵動動園是台北必到的景點之一，因為這個動物園佔地十分大，接近二千萬平方呎，有著457種動物，相信不是很多地方都有這樣大面積而又物種豐富的動物園讓小朋友接觸動物的。

來往物園站的文山線為無人駕駛單軌列車，相信對小朋友來講都係另一種體驗。

取自網絡：http://blair-bus.blogspot.hk/2010/08/blog-post.html

貓空纜車的開放時間，佢星期一係休息的，大家留意啦。如果你有係香港坐過昂平360既，你會發現貓空真係平好多。單程成人去到貓空總站只係需要50元台幣。大約十多元港幣，我真係唔明白香港的為何咁貴。
貓空纜車票種、票價一覽表

貓空都有水晶底車箱的，而且價錢亦都係一樣，唯一唔同係你要排另一條隊。而係車箱少一點情況下，當然要排耐一點，我地當日唔係咁多人，基本上唔駛排隊就可以坐到水晶車箱了。

小朋友研究緊水晶車箱底，佢地又好野喎，完全無擔心過。

大約坐十幾分鐘就到貓空總站，可能有人會問，上去貓空做乜呢？坦白講，小朋友就真係為左坐下纜車，而大人就可以上來貓空呢度食野，飲茶。係貓空上面有好多茶店，提供品茶，小菜的服務，如果你係一個喜歡慢遊旅行的人，絕對提議你可以一試係貓空品茶慢生活。

而帶同小朋友的，你其實可以坐完纜車之後，或者係到食一D野，就同小朋友坐纜車回程，中途係動物園站落車，一樣可以入到木柵動園的。

當日似乎天公不做美，直到我地食完野，嘆完茶，仍然繼續落雨，所以我地唯有敗走動物園。由台北車站坐捷運到動物園大約要半小時，兩位小朋友都爭取時間係列車上面短睡一陣。去唔成動物園，我地唯有將行程調一調，原本打算明早行下誠品，爭取最後時間睇下書的我們，就將行程改左去市政府站的誠品信義旗艦店，襯住落兩打下書釘，選擇合適的繪本買返香港俾小朋友睇。

誠品果然係一間好識得搵錢，把文化藝術混為一體的公司，我地由最頂開始行，發現好多小朋友係到做手工，玩創作。其實係香港通常都係要去一D中心、學校玩的課堂，係台灣佢地用一層樓，分做好多個小櫃台已經做到了。而且仲可以walkin立即玩，我覺得其實真係好識搵錢的做法，而又吸引，因為你一路睇住人地做，你自己又會想玩下。而你個小朋友有返咁上下大時，你更加可以放低錢，留佢係到自己去行街…

其實只要搵D地方，搵一D合作的機構，要開到咁唔難，點解香港唔做呢？還是都係地方的問題？現場所見，有大人有小朋友玩，而且你仲可以連住上堂的，所以唔駛擔心發展唔到興趣。如果香港家長有興建試下，你的小朋友聽得明白普通話就應該可以。不過聽唔明都唔緊要，以我旅行台灣多次的經驗，通常做呢D活動的姐姐都好好心機的。

最後我地都無玩到，因為小朋友那時仍年紀很小，如果有機會再去，我應該會俾佢試下呢。其實我地留得最耐的反而係誠品的兒童圖書區，係個度睇下書，講下故事，咁就一個下午。台灣地方大，空間多，大部份大書局都唔介意你打書釘，同小朋友講下故事，呢樣野係香港都真係唔係咁多書店做得到。而係睇書既同時，我地當然係用輪班制，媽媽陪一陣，爸爸陪一陣，咁樣大人都可以行下誠品，感受下台灣氣息。

而晚餐我地就係隔壁統一阪急地下街的大戶屋食，那次我真心覺得台灣的餐廳係歡迎小朋友的，侍應主動問我地有幾多小朋友，亦係我地入去前預備好小朋友椅子。香港都開始有好多餐廳會有呢種服務，但係仍有好多有待改善。

其實呢個都係我喜歡遊台的其中一個原因，就係你唔會覺得帶住小朋友好唔方便。因為人家整個配套都係預備你有機會有小朋友光臨的，而唔係見到你有小朋友仲希望你快D走…係既環境下，帶小朋友旅行亦唔會覺得好唔方便。

小朋友已經好累了，見到食物都笑唔出了…

同一個餐，點解台灣的係靚D的呢？

統一阪急這兒有很多種類的選擇，大家行完誠品可以來這兒吃飯，根住回酒店休息，已經可以玩你一日了。

誠品生活商場信義店
統一阪急百貨

而爸爸就係這晚去了誠品敦南店，體驗左廿四小時的誠品生活。現在台北得這一間誠品係開廿四小時的，如果你有興趣感受下，你可以坐捷運去到忠孝敦化站，步行五分鐘過去。不過捷運關門後就要打的回酒店了，而台北市的計程車係有夜間加乘的，應該係20元台幣一程，大家要自行計算值唔值得了。夜間加乘：夜間11時起至翌晨6時止。
臺北市公共運輸處計程車費率如何計算？

誠品敦南店

明天就係最後一天了，而我地亦會係明天向動物園再次進發！