台灣直送書籍方法

大家有無試過飛台灣時買大量書籍回港，攪到行李超重呢？我相信大家都有類似的經驗，因為係台灣買書真係平過香港，而且仲要係繁體字的書籍。所以每一次我地去台灣，都會行下書店，買下書，運一批批的親子書籍返香港。而且台灣的書店很多時候都會有折扣，如果你係大書店買，扣埋稅差不多可以係香港的六成書價，難免咁多香港人都會係台灣買書。

這是我地其中一次去台灣的盛況。
其實係想買更多的，但耐何睇唔晒，同埋家中無位安置…

當然，香港依家開左誠品，好多台版的書籍都變得有售，尤其係我地最喜歡的兒童繪本，不過香港誠品買野都唔平，計落其實都幾貴。

原來由上一年開始，台灣的大型網路書店已經可以網上買書，直送香港，係便利店攞貨。

圖為金石堂的宣傳廣告

這個係博來客的廣告。

佢地連便利店都打對台，唔知係咪商業競爭得咁勁…
金石堂就提供訂閱係香港OK便利店取貨的服務，而博來客就提供係7-11取貨的服務。

睇返佢地的介紹，訂購步驟都係一般的網上購物步驟，大家去佢地官網就可以睇到，難度不大。但係金石堂就需要四天才可以送貨到香港，博來客就說隔天可取貨，那應該是三天吧。

運費方面，兩間店都是用數量去計算的，買得越多越平。而以十本的價錢計算，博來客比金石堂平$10港幣…

根據博來客的網頁所指，你只要購買4本書籍，其實已經等於香港的77折。我仍未有時間慢慢計算一下，但以一般在台灣書店的網絡購買書籍都有7折或8折優惠，再計算台灣訂價比香港定價平的因素下，有77折都不出奇。而4本書的運費為300元新台幣，大約75元港幣，每本平均在20元內。

是否平很多仍需要好好統計一下，而且根據你買的書的種類與價錢不同我相信亦會有分別。但以台灣書籍種類之多，以及連一些台灣刊物雜誌都可以購買的情況下，我就認為這個服務有了解更多的可能性。

留待我實測之後再告訴大家結果，但諗深一層，如果真係有需要的書籍，用這方法節省左你係台灣自己搬運返香港的時間與體力，已然值回票價。

當然，你成日去台灣，又有好多時間行下書局就另計了。

金石堂網路書店有關送香港服務

博來客有關送香港服務